مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه



 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

  من روائع عبدالرحمن بن مساعد ..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
آبو حمد
مؤسس المنتدى
avatar

عدد المساهمات : 1048
نقاط : 1901
تاريخ التسجيل : 11/09/2010
الموقع : هنآ ...

مُساهمةموضوع: من روائع عبدالرحمن بن مساعد ..   السبت أكتوبر 09, 2010 4:47 pm

السلام عليكم ,,

صباح / مساء - الخير على الجميع


من روائع عبدالرحمن بن مساعد :



{{(البرواز)}}


قلتيلي انسى

ومن يومها وانا كل ليلة .. قدامي البرواز

حبر العيون ودمع القلم .. في دفتري

وصورتك .. رغم الألم .. ورغم انها خذت من اطباعك كثير

وخانت البرواز .. اشوفها في خاطري

حبيبتي مابيدي حيلة

لاصرتي الصورة .. وعيوني البرواز

وشلون ابنسى

اتعبتي الصورة مشاوير

وتعبت انا بلقى لغدرك معاذير

وصورتك اللي سجنت بروازها طول السنين ..

كانت جسد وبروازها الروح

ويوم انزعت منها الجسد .. تجرّحت اطرافها

وبجروحها راحت لمين ؟

لبروازها الثاني !!

مسكين .. بيسجنك ويبقى سجين

مسكين

تشبهلك اقداره .. خانته

وصورتك يجي يوم وتخونه

حبيبتي ..أو للأسف حبيبته

لاصرتي الصورة .. وجفونه البرواز

وشلون ينسى ؟!

حبيبتي لجل انسى جرحك واستريح .. ببكي

وبعد البكى .. ببكي

وأكيد فيه لحظة بتجي .. وبيجف دمعي

وعندها صورتك اللي في عيوني

بتموت من ظلم العطش ..

بروازها بيصبح نعش

وبتمرني الدمعة الأخيرة ... تاخذ معاها صورتك وتطيح

وكني بالمسافة تطول مابين عيني .. ودمعتي .. وخدي

وكني بقلبي الحاير المسكين

نبضه يقول لا تودع الفرقى .. الدمع مايرقى

وعندها لانزلت الدمعة لمثواها الأخير

وفارقت وجهي

بغمض عيوني .. واكسر البرواز

وانسى000000000000000000

.................................................. ....
{{(النظرة الخجولة)}}


مـا سـألتـوا صـاحـب النظـرة الخجـولـة

كيـف يـسـهـرنـي ولـه وجـهٍ صبـوح

كيـف يظـلـمـني وله طـهـر الطـفـولـة

كيـف يـفـتـنـّي وهـو دايـم يــروح

وكيـف أنـا ألقـى ربـيـعه فـي فصـولـه

دام كـذبـه صـادق وصـدقــه مـــزوح

لـه صـفـاتٍ تـورد العـاشــق ذهـولـه

مسـتـكـيـن صـامـت وكـلـّه جـمــوح

أصـعـب الأشـيـاء و أكثـرهـا سهـولـه

أغـمـض الأشـيـاء و أكثـرهـا وضــوح

سهـل تـغـرم بـه وصـعـب إنك تنـولـه

غـامـضٍ طـبعـه وواضـح فـي الجـروح

أسـعـد بشـوفـه ولكـن مـا أطـولـه

كنّـي الـوادي وهـو أعـلى السـفـوح

يـبتـسـم لا مـنهـم عنّـي حكـوا لـه

ولا حكـوا لـي عنه أعـمـاقي تـنـوح

لـي بقـلبـه شـيٍ لكـن مـا يقـولـه

ولـه بـقـلبـي كـلّ و لكـنّـي أبــوح

كنّـه الغيـمـه و انـا أرجـي هطـولـه

مـا نـزل غـيثـه ولا بـرقـه يـلــوح

مـا عـرفـتـوا ليـش تسهـرني فعـولـه

وليـه يـسكـنّـي وهـو دايـم يــروح

هـو يـبـيـني بـسّ أطبـاعـه خجـولـه

ومـا يـبـيـني أغـفـا وهـو وجهـه صبـوح


000000000000000000000




{{(بنفترق)}}

تدرين وادري

تدرين وادري بنفترق

وتدرين قلبي بيحترق

حنا أتفقنا بكل شي .. اٍلا الزمن

عيا الزمن لانتفق

ولاتزعلين .. لو نفترق

قلبكِ خلي .. وقلبي أنا اٍللي بيحترق


ياوردة في كل الفصول .. يافرح عيا لا يطول

قولي واقول

اٍن كان عندكِ لي حلول

يافرحة القلب الحزين .. الوقت يمر

ومالك عذر

كانكِ تبين .. ننسى العمر .. ننسى السنين

ونذوب في حب وحنين

تدرين وش سر الحكايه؟ الوقت يمر

ولكل شي لابد نهايه

وحنا قربنا من النهايه

ومالكِ عذر .. يابسمه الثغر الخجول

اٍن كان عندكِ لي حلول

واٍن كان ودكِ نتفق

والا ترانا بنفترق

ولا تزعلي لو نفترق

قلبكِ خلي .. وقلبي أنا اٍللي بيحترق

ياحب يادنيا جديدة

يااحلى ابيات القصيدة

اٍن كان جرحي ماكفى .. أنزف لكِ جروح جديده

واٍن كان شعري ماوفى .. أنسى الحكي وأنسى القصيدة

يااحلى أيام العمر .. كثر الحكي وش بيفيد

مابقى عندي صبر .. والجرح في قلبي يزيد

مالكِ,,,, عـــذر

يابسمة الثغر الخجول

ماظن عندكِ لي حلول

وماظن ودكِ نتفق

واحنا ترانا بنفترق

ولا تزعلي لو نفترق

قلبكِ خلي .. وقلبي أنا اٍللي بيحترق

00000000000000000000





{{(استاهلك)}}

ابسألك عن حالنا انتي وانا

ياللي احس..انك انا

حالنا ما هو غريب

انا نكون متأكدين ان الفراق ما هو بعيد

بالرغم من جرح السنين

ماهو غريب .. اني لو مرة في همي

نسيت وبكلمة جرحتك

قبل ما تتألمين .. اللي ينزف هو دمي

ابسألك ماهو غريب .. استاهلك

ابسألك لو قلت لك ان الحنان اللي في قلبك

ينبت من الصخر الزهر .. بأستاهلك

وان النهار اللي في خدودك يخلي النسمة عطر..بأستاهلك

وان العذاب اللي في عيونك يعلم الناس الشعر..بأستاهلك

ولو قلتلك اني احبك اكثر من هموم البشر

وكثر الجفاء وكثر السهر ... لو قلت لك

وانك اقرب من عيوني للنظر

كل الذي اقدر اقوله

واللي ما اقدر اقوله

بأستاهلك.. حبيبتي

وباجاوبك ..للاسف ما به احد يستاهلك
000000000000000000000



{{(أسألوا دمي ،، عن غلا أمي )}}

،،،



اسألوا دمي وسعادتي وهمّي

اسألوا التوفيق

والكدر والضيق

اسألوا الطيب في صفاتي

والدعاء اللي في صلاتي

واسألوا شهودي

الدموع اللي في سجودي

اسألوهم..واسألوا دمي

عن غلا أمي
0000000000000000000





{{(الوداع)}}،،

ألا يا قلب نبضي ،، يا سما دمي و وجداني

فمان اللي عطاكي كل طهر الأرض ،، أنا ماشي

هذا كان اخر مانطق قلبي ،، وأول نبض في لساني

وتلاشى النطق

وعصر حزن الوداع اللي حضر قلبك دموع

بكت ادفى دموع الخلق

وسرى في داخلي برد الخشوع

وغير العطر ودموعك وجرحي من وداعك ،، مابقالي

استعفر اللي صورك مما طرالي

طرالي يادفى عمري

وياترحالي وحلي

ارشف دمعك الطاهر واغسلبه واصلي

واحمد ربي اللي بك حباني

الا يا ام اجمل من سكن قلبي

ويا داري وعنواني

فمان اللي عطاكي كل طهر الأرض

أنا ماشي

الرجوع الى أعلى الصفحة اذهب الى الأسفل
http://aqlaa77.yoo7.com
خٍ ـفٍوًقًي♥
عضو مميز
عضو مميز
avatar

عدد المساهمات : 270
نقاط : 328
تاريخ التسجيل : 20/09/2010

مُساهمةموضوع: رد: من روائع عبدالرحمن بن مساعد ..   الإثنين أكتوبر 11, 2010 10:07 pm

صصح لسسىآن قآيلهآ
الرجوع الى أعلى الصفحة اذهب الى الأسفل
روحي تفداك
مشرفة القسم الترفيهي
avatar

عدد المساهمات : 288
نقاط : 368
تاريخ التسجيل : 15/09/2010

مُساهمةموضوع: رد: من روائع عبدالرحمن بن مساعد ..   الثلاثاء أكتوبر 12, 2010 11:59 pm

مآ قصصرت على آلنقل
الرجوع الى أعلى الصفحة اذهب الى الأسفل
قمر 15
عضو جديد
عضو جديد


عدد المساهمات : 8
نقاط : 13
تاريخ التسجيل : 04/03/2011

مُساهمةموضوع: رد: من روائع عبدالرحمن بن مساعد ..   الأحد أغسطس 07, 2011 8:03 pm

نا فصرت صح لسانك
الرجوع الى أعلى الصفحة اذهب الى الأسفل
 
من روائع عبدالرحمن بن مساعد ..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتديات الإدارة والتواصل :: || الأرشيف ~-
انتقل الى: